صباح اللبنه والقشطه<<للي يقرى بالصبح..

صباح المندي والمفطح<<للي يقرى بليل..

 

ادري اني منذو مبطي ما سدحت موضوع بس واللهي العقل مقفل ومظيعه المفاتيح

وما عندي فلوس عشان اسوي لي مفتاح..<<لا تدققون..

 

الموووهم .. وكعادتي في كل بلوق في هالسبيس وبالسبيسات القديمه .. يكون ما عندي

 سالفه .. وادري بتقولون وش الجديد .. بس مو مشكله الي ما عنده شي فليتفضل ويسمع

 بثارتي .. والي ما عنده وقت ووراه شي برضو  يتفضل ويسمع بثارتي..

 

انا فيه شي يقرقع بقلبي ما ادري العيب فيني ولا العيب في الناس.. انا يا جماعه اشوف

حالات ترووع ايام الاختبارات .. الي تدووخ والي تصيح والي تقول بــســـقـــط .. والي

 تنحف عشره كيلو.. وانواع الحالات الي ما تاكل ولا تشرب ولا تنام.. الا انا اذا بدت

 الاختبارات بدأ السبات الاختباري بالنسبه لي .. 24 ساعه نوم×نوم..

أدري بتقولون والمذاكره .. انا اقولكم .. ارجع من المدرسه .. انام الين المغرب اوالعشاء

على حسب مزاج الوالده الله يحفظها .. أدري بتقولون وش دخل الماما .. أنا اقولكم وش دخلها ..

 متى ما قامت امي قومتني <<العائله كلها في حالة سبات عميق.. المهم اقوم واذاكر طبعا عشان

 ما انام تقعد امي فوق راسي وجنبها مويه بااارده .. وانا يا حياة الشقى اذاكر واحفظ .. وما تجي

الساعه 10 الا وانا نااسيه اسمي ابي انااام.. ادري بتقولون وجع وش كثر النوم ..انا اقولكم.. انت

 وش دخلكم انا نايمه على حلال ابوكم؟؟ <<منذو مبطي ما انجلدت..

 

شفتوا الكلام الي فوق؟؟

 

ترى هااذي المقدمه .. هع هع .. ادري ظاقت صدوركم .. بس يلا انشكحوا ووسعوا صدووركم..

 

 

المهم .. انا من النوع ألي ناادر ما اتعب واذا تعبت تعبت ايام عطله<<االله من زود الحظ .. بس

 قبل الاختبارات باربع ايام صكيت عمري بعين.. قمت يوم الثلاثاء على اساس بذااكر الا

والحراره طاقه 40 درجه ..<<حسيت لحظتها اني صكيت عمري بعين ما ادري وراه ..

ويلا من دوا الى دوا .. وامي يا حياتي ودتني للمستشفى ..

وكل ما قاست امي الحراره لقتها 40 .. وامي تقول يا حياتي يا بنتي لا تعبين عمرك بكيف

 الاختبار اهم شي صحتك ((الحقيقه>> يا ويلي ويلااه بنتي طقت حرارتها بتسقط بتعيد دور ثاني .. ))

 يجي اخوي .. يقول وهـ اختي اهم شي صحتك سلامات((الحقيقه>> وجع روحي ذاكري والله

مالنا خلق ننطق هالسنه عشان تعيدين اختباارك اذا سقطتي بتقعدين عند جدتي مالنا دخل فيك احنا

 بنسافر وما راح نقعد عشانك))<<الله والاسلوب بس مو مشكله تصير في أكبر العوائل.. والحمدالله على

 الخميس خفت الحراره وعرفت ادبر عمري .. واما اطرري كيف حليت في الاختبار بس

 حسيت اني اذكى وحده في العالم<<لا يكثر..

 

 

زي ما قلت لكم انا من عشاق النوووم بشكل مو طبيعي .. انام بكل وقت وبأي مكان ..

 انام واقفه ، قاعده ، منسدحه ، انام بالسياره ، بالصاله ، بالمطبخ ، وبالحمام ((لدرجة اني

 حاطه بالحمام مخده..الله يعزكم)) ادري بتقولون شلون بتنامين بالمطبخ ؟؟ انا اقولكم شلون ..

 اذا جينا نتغدى في طاول المطبخ اذا خلصت غدا قربت الكراسي وانسدحت عليها على اساس

 بارتاح الا وانا ماسكه خط النسيم بالنوم .. لدرجة ان اول ما اقوم من النوم ارتاح شوي ..

ونوم يجر نوم .. والنوم الكثير مهوب زين .. فعشان كذا طلع تحت عيوني سواد .. واقول لامي

 ان شكلي يروع.. تقول بصم الله عليك تهبلين ..((اشوى ان مجاملة الام مافيها ذنوب ولا ان كان

 دخلت النار من كثر ذنوبها)) ..

وبما اني بعض الاحيان اتنح بالمذااكره وانسى وانام .. عاد تجي فزعة بنات خالتي وصديقاتي

 ((أقالهم الصديق وقت الظيق)) كل ربع ساعه وحده متصله .. ابتداء من الساعه 4 فجر ..

والجوال ما يسكت .. اول شي بنت خالطو تتصل .. تقول يلاااا قووومي ..اقالي بصرفها اقول

خلاص قمت .. تقوول يالكذاابه سمعيني صوت المويه .. واقوم واسمعها صوت المويه تقول

خلاص اجل الحين ظمنت انك قمتي .. وما يمديها تسكر الا وانا ناايمه .. تجي تدق وحده من

 صقيقاتي يا حبيلها يا ناس والله اني احووبها .. (( يا حبيلها صريحه تقول اول يوم قومتك فيه

 خفت من صوتك كانك وحده سكراانه<< ت ح ط ي م )) .. بس مو مشكله حلالها.. واقول لها

 خلاص قمت عاد انا استحي على وجهي واقوم واقعد اذاكر من 4 ربع اليــن 6 تجي 6 انام ما

 ادري ليش.. عاد تجي امي 6 وعشر يلااا قووومي أستاذه .........((المديره)) اتصلت تقوول

ليش بنت تأخرت وما تشوفيني الا ناطه نطه الا وانا في السياره واشوف الساعه الا هي 6 وثلث

 انواع القهر .. بس تبي تقومني وتروعني الله يهديها..

ومررره من المراير كان فيني النوم وامي خافت اني انام واخلي الاختبار جت طردتني من

 البيت الساعه 6وثلث قالت يلا روحي المطرسه .. انا فيني الصيحه تونـــا وش يوديني الحين ؟؟

  امي >> روحي هناك فيه جسيمه وبشرى((عاملات المطرسه)) روحي اقعدي معهم لاني عارفتك

 اذا قعدتي هنا نمتي .. حسيت بلحظتها انا انسانه مضهده <<الرجاء عدم التدقيق في الكلمه لاني

 ما اعرفش انطقها..واروح وانا اجر اذيال الخيبه ..

 

 

ويلا الحين من قدي خلصت الاختبارات .. وخلصت المتوسط.. من قدي كــبـــرت .. بصير ثاانوي

 بس المشكله بصير ثانوي وانا لسا قصيره .. بس مو مشكله اهم شي الاخلاق وحب الوطن.. <<عااش مصرررف..

بس من جد الحين كبرت بصير بالثانووي .. احس اني اكثر وحده منشكحه .. والله اني احبك

 يالمتوسط وادري انك تحبيني وانا بشتاقلك وانتي بعد ادري انك بتشتاقين لي بس وش نسوي

والله مو غلطتي هاذي غلطة وزير المعارف الي حاط المتوسط بس ثلاث سنوات.. والله اني برتز

 عندك كل يوم  لا تخافين ما راح تفقدين نوري <<لا يكثر.. ادري بتقولون واثقه ..بس انا بقول

وش دخلكم هذا الصبيص صبيصي وبقول الي بقوله لاني حاولت اقول لامي اني كبرت قالت امي

يا ويلي كبرتني جعلك الصلاح .. << لا تعليق..

والله من جد كووول حاااقه حلووه بالمتوسط .. ما راحا انسى أي حاقه .. لان من جد انواع الفله ..

 ياما ياما هزئتونا وظحكتوا على دلاختنا بس مو مشكله هاذي سنة الحياة<<حشا زواج .. بس يلا

ما بين المتوسط والثانوي الا سيب برتز عندك يالمتوسط 24 ساعه.. <<يا خوفي بعد كل هالمشااعر

 الجيااشه اسقط ..

أدري اني عقب ما قلت مشاعري تجا مطرستي جتكم الصيحه ورحمتوني  بس ترى عااتي عااتي

 انا احب مطرستي <<لا تدققون بالكلام عشان ما تشكون بالعقليه..

 

ღ♥ღ..((صديقاااتي))..ღ♥ღ

 

صقيقاتي وما ادراكم ما صقيقاتي ؟؟

والله اني احبكم سواء انكم معي بفصلي وبصفي او اكبر مني او اصغر مني .. الي توي اعرفهم

والي من زمان اعرفهم .. والله اني احبكم حب أد الدنيا .. ووالله اني استانست معكم ..

 

ツصديقاتي الي بثالث متوسطツ

 

  أحبكم .. وما راح انسى دلاختنا الي بالمتوسط.. ما راح انسى اليوم الي انحشنا فيه حدود

15 بنت ومسكوكم وكتبوكم تعهد وانا ومجموعه سوينا نفسنا ما سوينا شي.. وما راح انسى

الاسبوع الي ما حظرنا فيه ولا حصه .. وما راح انسى السوق الخيري الي انحسنا فيه حوسه

 ولا يوم الشعوب ولا حليب كامل الدسم عشانكم اكتشفتوا انكم ناقصين كالسيوم .. ولا اوراق

الحش الي امتلت غرفتي من كثرة الارواق واذا انتهت الحصه قمنا نقول دعاء الحش .. وما راح

 انسى اذا طقتنا الغلقه بالحصه ونمنا وما يبقى الا 2 منتبهين على الاستاذه .. ومستحيل انسى

عذابنا مع رموز الكيمياء وكان يتقطع قلبنا اذا قالوا ما شفتوا شي توكم ما وصلتوا الثانوي..

والله فيكم هبال وطيبة قلب ومن جد احبكم.. ولو اكتب عنكم من اليوم الي بكره ما راح يطلع الي

في قلبي<<اخس والله طلع عندك مشااعر.. بس انشالله البلوق الجاي كله عنكم ..

 

ツصديقاتي الي بثاني متوسطツ 

 

صدق ان مافي علاقه قويه بس بالمدرسه وماسنجر وقليل مكالمات بس اني حبيتكم .. مع اني

 ما قعدت معكم كثير بس من حد ارتحت لكم .. ويلا من قدكم يا "كباار" السنه الجابه بتاخذون

مكاننا يا ثالث متوسط.. وادري ان فيه كذا بنت يبون يكبون علي الببسي والسفن آب لانهم يبون

 يشوفوني وانا اركض بس لو تناقزوون منيب راكضه

هع هع وموتوا حره ..

 

ツصديقاتي الي بأول متوسطツ

 

صدق انكم مو كثاار وان الي بيننا سواليف مطرسه وعلك .. بس والله انكم فله ..

 

وفيه عندي صديقات مو بالمتوسط.. بس اني اعزهم واحبهم حتى .. والصراحه فيه بعضهم

بفقدهم فقده لانهم تخرجوا.. بس والله اني احبهم حتى لو انهم صاروا بالجامعه  بس عاتي

 عاتي ما فيع مانع .. واقول للتخرجوا.. مبروك التخرج وعقبال ما أشوفكم بالتنوره السودا

 وعقبالي بعد اتخرج .. هع هع

 

 

 

وفي الختام .. انشالله انكم شديتوا حيلكم بالاختبارات وحليتوا زين .. وانشالله اكلتوا وشربتوا مثلي ..

 ولرفع معنويات المزفتات المزفتين<<ليديز فيرست .. طرى هذا اختبار دوونيا .. واهم شي الاخلاق

 وحب الوطن وصلاة الجمعه ..

و بشروني بدرجاتكم .. وانشالله القى كومنات آد الدونيا عاد انتم كريمين وحنا نستاهل

<<مادح نفسه يبيله رفسه ..

ويلا وسعوا صدركم بالعطله وانشكحوا .. وانا من ناحيتي بالعطله بيبدأ السبات الصيفي

<<ويالله حسن الخاتمه..

ولا تنسوني عااد.. واذا غلطت بحقكم ولا حاقه سامحوني ..

اكتشفت اني انسانه بثره ونص كلامي ماله سنع  بس يلا هاذي مشاعري .. المشاعر وما ادراك ما المشاعر؟؟ <<صاايره شاعره هالايام..

 

والى اللقاء في بلوق آخر..

 

أم حدجيان/ أول ثانوي ツ<<يا خوفي اسقط واعيد السنه ..